नेहमी प्रमाणे डोळे माझे मिटायला तैयार नव्हत
कितीही समजावले तरी तिलाच शोधत होते....
तिचाच विचार करताना लागला डोळा चुकून,
स्वप्न ते होते की नव्हते दिसे ती इथून तिथून....
मिटलेल्या डोळ्यांपुढे दिसते ती छोटी परी,
नाजुक हात पसरलेले, बोलावताना मला घरी....
डोळे किती निरागस तिचे, ओठांवर मोहक हसू,
समजेना मला माझ्या, डोळ्यात हे का आले आसू?
कठिन परीक्षा आहे तुझी ही,
समजावले मग मीच मनाला,
गवसणी घालण्या आकाशा,
बीज घेते आधी गाडून स्वताला....
Monday, March 23, 2009
Wednesday, March 18, 2009
मैत्री म्हंटली की
आठवतं ते बालपणं
आणि मैत्रीतून मिळालेलं
ते खरंखुरं शहाणपण
आठवतं ते बालपणं
आणि मैत्रीतून मिळालेलं
ते खरंखुरं शहाणपण
कोणी कितीही बोललं तरी
कोणाचं काही ऐकायचं नाही
कधीही पकडले गेलो तरी
मित्रांची नावं सांगायची नाह
मैत्रीचं हे नातं
सगळ्या नात्यात श्रेष्ठं
हे नातं टिकवण्यासाठी
नकोत खुप सारे कष्टं
मैत्रीचा हा धागा
रेशमापेक्षाही मऊ सूत
मैत्रीच्या कुशीतच शमते
मायेची ती सूप्त भूक
मैत्रीच्या सहवासात
श्रम सारे विसरता येतात
पण खरे मित्रं मिळवण्यासाठी
काहीदा कितीतरी पावसाळे जातात
मैत्री म्हणजे
रखरखत्या उन्हात मायेची सावली
सुखाच्या दवात भिजून
चिंब चिंब नाहली
मैत्रीचे बंध
कधीच नसतात तुटणारे
जुन्या आठवणींना उजाळा देऊन
गालातल्या गालात हसणारे
मैत्री पाहत नाही
कोण गरीब कोण श्रीमंत
ती पाहते फ़क्त
मित्राचं अंतरंग
मैत्री म्हणजे
समाधानाने भरलेली ओंजळ
वाळवंटात जसं कधी
सापडतं मृगजळ
मैत्रीच्या सहवासात
अवघं आयुष्य सफ़ल होतं
देवाच्या चरणी पडून जसं
फ़ुलांचही निर्माल्य होतं
Subscribe to:
Posts (Atom)